Raju
0 followers | 0 followings | 39 articles

अँध्यारो

ओड़ारको
अँध्यारो केही होइन


होइन
केही औंसीको रात पनि


मनको अँध्यारो
नगिच। 



 उज्यालो


 


घमाइलो दिउँसो केही होइन


होइन केही पूर्णिमाको रात पनि


मनको उज्यालो नगिच ।

 


भएन


 


आँखाभरि इन्द्रेनी सपना सजाउनेको सुनाइ भएन


मनभरि रूपसी माया बसाउनेको चुनाइ भएन


आघातको मात लागेर आस्थाको हिमाल ढले पनि


रातभरि रुने आँखाहरुको थुनाइ भएन ।

 



भयो
  


मायालुको हात ,जुनेली रात


नशालु मात भयो पहिले


मायालुको घात  हरेक
प्रात:


विषालु बात भयो अहिले

 



जादु


 


ऊषरमा पनि उम्रेछ


बोट-बिरुवा


पैसा छर्किएपछि ।

 


आत्मश्लाघा

 


आत्मश्लाघा


हिउँदमा सुक्ने


बर्खाको नाली ।

प्रतिध्वनि

 



मुटुको पर्खालमा


वेदना ठोकिएर


निस्किएको आवाज ।

 



स्वेच्छाचार

 



स्वायत्त शासनको बघैँचामा


ढकमक्क फुल्यो


स्वेच्छाचार ।

 



काम

 


बेकारीको भाषामा नितान्त 
आवश्यकता यो


ऐयासीको भाषामा एउटा मजा मात्रै यो ।

 


माम

 



खेतीवालको निम्ति चर्को घाम


व्यापारीको निम्ति खालि दाम


भोकाको निम्ति के घाम के दाम ।