कोमल भट्टका 2 कविता

Rated 2.63/5 (From 631 user)
komal bhatta   21st Feb 2014   छन्द कविता 0 comments   Like ( 2)   2497 reads  

Komal Bhatta
1 followers | 0 followings | 36 articles
कोमल भट्टका ३ कविता
**********************
 
१)
  कविता:-स्वर्ग हाम्रो
********************

कति हुनु छ विरानो ? दिक्क लागेर आयो
रहर जति सवै नै,भित्र बाटै हरायो
भत भत भत पोल्दै,दुख्न लागेछ छाती
सहन सकिन पीडा,आँसु बर्षिन्छ राती ll १ ll

नियति अझ कठोरै,रैछ यो आज जानेँ
जनपद संग टाढा,बस्नु दुर्भाग्य ठानेँ
झलमल छ विदेशै,तै नि लाग्यो अँधेरो
बरु सकस सहौंला,देश आफ्नै छ प्यारो ll २ ll

अति सरस छ भाषा,भेष सारा रिवाज
सब जन सित मायाँ,स्वच्छ ऊँचो छ भाव
सकल जन मिलेमा,बन्छ नेपाल राम्रो
जनम थल नबिर्सौं,त्यै त हो स्वर्ग हाम्रो ll ३ ll

छन्द:-मालिनी
८ अक्षरमा विश्राम
(जनपद =देश)
कोमल भट्ट
पुरानो नैकाप,काठमाडौँ
हाल:-न्युयोर्क,अमेरिका
२)

कविता :- प्रियतमा
**************

शोकैमा भयमा कडा समयमा साथी सधैँ नै भयौ l
रातैमा दिनमा रहेर संगमा आनन्द हाँसो दियौ l
गर्दै आदर प्रेमले हरघडी आशा दियौ भै धरा l
हौ मेरी मनमा निवास गरने देवी तिमी अप्सरा ll १ ll

भोको आँत हुँदा नि काम घरको पूरा गर्यौ स्नेहले l
रोक्यौ आँसु सदैव भित्र तनमा सेवा दियौ प्रेमले l
धायौ मन्दिर मन्दिरै खसमको माग्यौ वरै आयुको l
पर्वाहै नगरी कठोर असरै ठण्डी चिसो वायुको ll २ ll

पीडामा पनि लौ बुझाइ मन यो शान्तै बनायौ व्यथा l
सम्झायौ अति ज्ञानका वचनले भन्दै पुराना कथा l
रोषै छैन मुहारमा रतिभरै आभा छ चन्द्रै सरि l
चम्क्यौ आँगनमा सुवास छरंदै अत्यन्त मायाँ गरी ll ३ ll

(शार्दूलविक्रीडित छन्द)
कोमल भट्ट
न्युयोर्क

COMMENTS
No comments so far!
Other Categories
तिन घुम्ति तिन घुम्ति
Author :बि.पी कोईराला
Paper Back
घामकिरि घामकिरि
Author :Nayanraj Pandey
Publisher : Sangrila Books
Number of page : 299
Price : NRP 350
Paper Back
View more

WRITING NEPAL WEBSITE WAS LAST UPDATED ON— August 29 2020 17:13 |