भूपेन्द्र खड्का ‘भूपीन’

परिचय

बाग्लुङको बलेवा, नारायणस्थानका भूपेन्द्र खड्का साहित्यमा ‘भूपीन’ उपनामले चिनिन्छन्। कविता, निबन्ध र उपन्यास — तीनै विधालाई उत्तिकै माया गर्ने उनी बुकहिल प्रकाशनका अध्यक्षसमेत हुन्।

साहित्यिक यात्रा

वि.सं. २०५३ मा प्रकाशित कविता सङ्ग्रह क्षतिग्रस्त पृथ्वी र मूल सडकबाट कृतिगत लेखनमा प्रवेश गरेका भूपीनले स्कुले जीवनमै एउटा उपन्यासको पाण्डुलिपि तयार पारिसकेका थिए। उनको पछिल्लो चर्चित कृति मैदारो (उपन्यास, वि.सं. २०७५) निकै रुचाइएको छ।