अब यस्तो कहिल्यै नहोस् (Aba Yasto Kahilyai Nahos)

पृथ्वीनारायण शाहले आफ्नो बल, बुद्धि तथा पराक्रमद्वारा अनेकौं राज्यमा विभक्त पुरानो नेपाल एकीकरण गरी आफ्ना उत्तराधिकारीलाई नासोका रूपमा सुम्पिएका थिए, तर उनको मृत्युपश्चात् नेपालमा घात-प्रतिघातका शृङ्खला चलिरहे भन्दै लेखकले तर्क गर्छन्। शिक्षा र व्यापार-व्यवसाय विस्तार गरी सर्वसाधारण नागरिकलाई सुखसुविधा उपलब्ध गराउनुको सट्टा तात्कालिक प्रमुख प्रशासकहरू आफ्नो परिवार र भाइबन्धुको सुखसुविधा तथा सत्तामोहमै व्यस्त रहेको र फलस्वरूप समाज विकासक्रम रोकिएको यसमा उल्लेख छ। घात-प्रतिघातका यी शृङ्खला रोकियून् र यस्ता घटना कहिल्यै नदोहोरियून् भन्ने उद्देश्यले यो पुस्तक प्रकाशन गरिएको थियो, तर पछि राजा वीरेन्द्रविक्रम शाहको वंशनाशको घटनाले इतिहास दोहोरिने रहेछ भन्ने देखाएको लेखक बताउँछन्।