साहित्यिक महत्त्व
भारतको पश्चिम बंगालमा पर्ने दार्जिलिङ बीसौं शताब्दीको सुरुवातदेखि नै नेपाली भाषा-साहित्यको एउटा प्रमुख केन्द्र बनेको छ। यहीं सूर्यविक्रम ज्ञवाली, धरणीधर कोइराला र परसमणि प्रधान लगायतको अग्रसरतामा सन् १९२४ मा नेपाली साहित्य सम्मेलनको स्थापना भएको थियो। सन् १९४९ मा दार्जिलिङको मुख्य चोकमा भानुभक्तको सालिक स्थापना गरियो, र आजसम्म त्यहाँ हरेक वर्ष भानु जयन्ती भव्य रूपमा मनाइन्छ। लेखिका पारिजातको जन्म पनि दार्जिलिङमै भएको थियो।